დონალდ ტრამპი: მე მიყვარს ევროპა და მინდა, ევროპა კარგად იყოს, მაგრამ ის სწორი მიმართულებით არ მიდის
ტრამპმა დავოსში გამოსვლა თავის ქებით და ევროპის კრიტიკით დაიწყო.
აშშ-ის პრეზიდენტმა დონალდ ტრამპმა დავოსში მსოფლიო ეკონომიკურ ფორუმზე თავისი გამოსვლა დაიწყო იმით, რომ იქ მეგობრები და რამდენიმე მტერი შეიკრიბნენ, შემდეგ კი თანამდებობაზე ყოფნის პირველი წლის განმავლობაში მიღწეული წარმატებები გაიხსენა. შემდეგ თეთრი სახლის ხელმძღვანელი ევროპის კრიტიკაზე გადავიდა.
„გულწრფელად რომ ვთქვა, ევროპაში ზოგიერთი ადგილი უბრალოდ ამოუცნობია. მეგობრები სხვადასხვა ქვეყნიდან მოდიან - არ მინდა, ვინმეს შეურაცხყოფა მივაყენო იმით, რომ ვამბობ: „მე ამ ადგილს არ ვიცნობ“, მაგრამ ეს დადებითი არ არის. ეს ძალიან უარყოფითი რამ არის. მე მიყვარს ევროპა და მინდა, რომ ევროპა კარგად იყოს, მაგრამ ის სწორი მიმართულებით არ მიდის“, - აღნიშნა დონალდ ტრამპმა.
